150-dən çox Nobel laureatı dünyanı qorxudan məktub yazdı: 2050-ci ilə qədər...

150-dən çox Nobel və Dünya Ərzaq Mükafatı laureatı dünyanı yaxınlaşan qlobal qıtlıq fəlakətindən əvvəl qida istehsalını artırmaq üçün “nəhəng sıçrayış” etməyə çağıran açıq məktub imzalayıblar .

Publika.az xəbər verir ki, bu barədə “The Guardian” məlumat yayıb.

Dünyanın ən böyük mütəfəkkirlərinin koalisiyası "qlobal ərzaq tələb və təklifi arasındakı faciəvi uyğunsuzluğu" həll etmək üçün tədqiqat və texnologiyaya üstünlük vermək üçün təcili tədbirlər görməyə çağırıb.

İqlim böhranı, müharibə və bazar təzyiqləri kimi məsələlərə istinad edən koalisiya planeti 2050-ci ilə qədər 9,7 milyard insanı qidalandırmaq üçün qida istehsalında böyük sıçrayışa səbəb olan səylər göstərməyi tələb edib.

Alim Ceffri Havtin qeyd edib ki, yaxın iyirmi ildə ərzaq istehsalının 50-70% artacağı gözlənilən bir vaxtda qlobal düyü və buğda istehsalı artıq durğunluqdadır və hətta azalır.

Alimlərin məktubunda deyilir ki, dünya gələcək ehtiyacları qarşılamaq imkanında deyil və innovasiyaya daha çox beynəlxalq dəstək verilməsə, bəşəriyyət əsrin ortalarına qədər “qida təhlükəsizliyi olmayan dünya" ilə üzləşəcək.

Alimlərin məktubu iqlim təhlükəsini vurğulayır, xüsusilə Afrikada populyasiyaların artdığı, lakin əsas məhsul olan qarğıdalının məhsuldarlığının azalacağı proqnozlaşdırılır.

Tural