Qadın hikkəsi: Ölmüş ərinin xəyanətindən xəbər tutub onu “yedi”

Kanadalı dul qadın mərhum ərinin xəyanətindən xəbər tutanda onun külünü yeyib.

Publika.az xəbər verir ki, bu barədə "The New York Post" məlumat yayıb.

Yazıçı Cessika Ueytin əri Şon 2015-ci ildə ABŞ-ın Texas ştatında işgüzar səfərdə olarkən vəfat edib. Faciəli xəbəri öyrəndikdən sonra Ueyt "iPad"dən Hyustondakı xəstəxana ilə əlaqə saxlamaq və cəsədin Kanadaya daşınmasını təşkil etmək üçün istifadə edib. Ancaq axtarış çubuğuna "Hyuston" yazmağa başlayanda qadın təsadüfən ərinin köhnə axtarış sorğularını öyrənib - getməzdən əvvəl o, şəhərdə müşayiət xidmətləri axtarıb. Bu, aysberqin yalnız görünən hissəsi idi. Sonralar Uayt bilib ki, Şon müntəzəm olaraq fahişələrlə vaxt keçirib və buna külli miqdarda pul xərcləyib. Bundan əlavə, əri onu bir neçə məşuqə ilə aldadıb və tez-tez axşamlar “işdəyəm” deyə yalan danışıb. O, həmçinin gigabaytlarla porno filmləri yükləyib, onları müxtəlif qovluqlara ayırıb və kompüterində saxlayıb.

Ərinin yalanları Ueyte o qədər təsir edib ki, onu idarəolunmaz qəzəb bürüyüb. Əri ilə danışa bilmədiyi üçün onun külünün olduğu çantanı açıb bağçaya çıxarıb və it nəcisi ilə qarışdırmağa başlayıb. Nə etdiyini sonra anlayan Ueyt ümidsizlik, günah və utanc hiss keçirib. Amma əsəbi yenə də soyumayıb. O ərinin yandırılmış cəsədindən bir neçə ovuc götürüb və yeyib.

Zaman keçdikcə qadın özünə gəlib. İndi Cessikanın yeni həyat yoldaşı var, amma o, hələ də ilk ərinin xəyanətindən acı hiss edir. Qadın travmanın öhdəsindən gəlmək üçün bir xatirə yazıb.

Adəm