Paytaxtda yaşayış binasında güclü yanğın oldu - Video/Yeniləndi

Paytaxtın Xətai rayonu, Babək prospekti, 10B ünvanında çoxmərtəbəli yaşayış binasında yanğın baş verib.

Publika.az xəbər verir ki, bu barədə Fövqəladə Hallar Nazirliyinin "112" qaynar telefon xəttinə məlumat daxil olub.

Dərhal əraziyə FHN-in Dövlət Yanğından Mühafizə və Xüsusi Riskli Xilasetmə xidmətlərinin qüvvələri cəlb olunub.

Yanğınsöndürənlərin çevik müdaxiləsi sayəsində on səkkiz mərtəbəli yaşayış binasının elektrik şaxtasında baş vermiş yanğın genişlənməsinə, o cümlədən mənzillərə keçməsinə imkan verilmədən qısa müddətdə söndürülüb. Mənzillər yanğından mühafizə olunub.

Təhlükəsizlik tədbirləri çərçivəsində FHN-in qüvvələri tərəfindən bina sakinləri təxliyə olunub.

xxx

01:11

Bakının Babək prospekti, 10 ünvanında yerləşən çoxmərtəbəli binada yanğın hadisəsi baş verib.

Publik.az xəbər verir ki, binanın yuxarı mərtəbələrində qalan sakinlərin təxliyə olunmasında çətinliklər yaranıb.

Hadisə yerinə dərhal Fövqəladə Hallar Nazirliyinin (FHN) yanğından mühafizə bölmələri və polis əməkdaşları cəlb olunublar.