Arktika ikiqat sürətlə isinməyə davam edir: Təhlükə siqnalı verildi

Arktika planetin qalan hissəsindən təxminən iki dəfə daha sürətlə isinməyə davam edir.

Publika.az xəbər verir ki, bu barədə Aleksey Çekunkov Sankt-Peterburq Beynəlxalq İqtisadi Forumu çərçivəsində keçirilən sessiyada açıqlama verib.

Onun sözlərinə görə, Arktikada temperaturun sürətlə artması buzlaqların əriməsinə və nəticədə Dünya okeanının səviyyəsinin yüksəlməsinə gətirib çıxarır.

“Arktika Yer kürəsinin digər hissələrindən iki dəfə daha sürətlə istiləşir. Nəticədə buzlar əriyir və Dünya okeanının səviyyəsi qalxır”, - deyə nazir bildirib.

Çekunkov qlobal istiləşmənin mümkün fəsadlarından danışaraq Maldiv adaları nümunəsini də çəkib. Onun sözlərinə görə, ada ölkəsi gələcəkdə ciddi su altında qalma riski ilə üz-üzə qala bilər.

“Maldiv hökuməti ölkəni hara köçürə biləcəyini ciddi şəkildə müzakirə edir. Onlar bir neçə onillikdən sonra su altında qala bilərlər”, - deyə o vurğulayıb.

Nazir əlavə edib ki, dünya üzrə sahilyanı şəhərlərdə yaşayan yüz milyonlarla insan yaxın illərdə dəniz səviyyəsinin qalxmasının yaratdığı ciddi problemlərlə üzləşə bilər.

Adəm