Arazda batan məktəblinin axtarışları üçün suyun səviyyəsi azaldıldı
Bizi izləyin
Zəfaran

Hadisə

Arazda batan məktəblinin axtarışları üçün suyun səviyyəsi azaldıldı

Arazda batan məktəblinin axtarışları üçün suyun səviyyəsi azaldıldı

İmişli rayonunda Araz çayında batan məktəblinin axtarışları davam edir.

Publika.az Teleqraf-a istinadən xəbər verir ki, hadisənin baş verdiyi ərazidə axtarış-xilasetmə işlərinin daha səmərəli aparılması məqsədilə Bəhrəmtəpə Hidroqovşağından Araz çayı yatağına buraxılan suyun səviyyəsi azaldılıb.

Məlumata görə, hadisə ötən gün axşam saatlarında qeydə alınıb.

Belə ki, 2009-cu il təvəllüdlü, 11-ci sinif şagirdi Turan Mirağa oğlu Mirişli Araz çayına düşərək boğulub.

Hadisə ilə bağlı dərhal Fövqəladə Hallar Nazirliyinin Kiçikhəcmli Gəmilərə Nəzarət və Sularda Xilasetmə Dövlət Xidməti, eləcə də Xüsusi Riskli Xilasetmə Xidmətinin dalğıc-axtarış qrupları əraziyə cəlb olunub.

Hazırda Mirişli Turan Mirağa oğlunun batdığı ehtimal edilən istiqamətlərdə intensiv axtarış tədbirləri davam etdirilir.

Faktla bağlı araşdırma aparılır. Axtarışların nəticələri barədə ictimaiyyətə əlavə məlumat veriləcəyi bildirilib.

Oxumağa davam et
Reklam
Reklam

Gündəm

Səba