AÇ-2016: Bütün Türkiyə bugünki oyunları izləyəcək

Fransada keçirilən Avropa çempionatının qrup mərhələsinə bu gün yekun vurulacaq.

Publika.az xəbər verir ki, E və F qrupundakı qarşılaşmalardan sonra 1/8 finala çıxacaq bütün komandaların adına aydınlıq gələcək.

F qrupunda İslandiya Avstriya, Macarıstan isə Portuqaliya ilə oynayacaq. Bütün komandaların şanslarının davam etdiyi son tur öncəsi 1/8 finala çıxmaq istəyən komanda mütləq qələbə qazanmalıdır. Hətta 1 xalla qrup sonuncusu olan Avstriya yığması da qələbə sayəsində ən yaxşı 3-cülərdən biri olacaq.

E qrupunda isə vəziyyət nisbətən daha aydındır. Belə ki, İtaliya millisi artıq 1/8 finalı və qrup liderliyini təmin edib. İkincilik uğrunda isə mübarizə İsveç və Belçika milliləri arasında gedəcək. Belçikalıları bərabərlik də qane edir.

Digər oyunda isə iddiasız İtaliya qarşısında qələbə İrlandiyanı ən yaxşı 3-cülərdən biri edə bilər. Ancaq bu da inandırıcı görünmür.

AÇ-2016. Qrup mərhələsi, 3-cü tur

22 iyun

F qrupu

20:00 İslandiya - Avstriya

Baş hakim: Şimon Marçinyak

Sen-Deni. “Stad de Frans”

20:00 Macarıstan - Portuqaliya

Baş hakim: Martin Atkinson

Lion. Şəhər stadionu

E qrupu

23:00 İtaliya - İrlandiya

Baş hakim: Ovidiu Hateqan

Lill. “Pyerr Morua” stadionu

23:00 İsveç - Belçika

Baş hakim: Feliks Brix

Nitsa. Şəhər stadionu