İdman

Messi qayıdış şərtini açıqladı: o, "Barselona"dan gedərsə...

27 Sentyabr 2022 19:21

Cari mövsümün sonunda Fransa PSJ-sindən ayrılmağı planlaşdıran Argentina millisinin futbolçusu Lionel Messi İspaniya "Barselona"sına qayıtmaq üçün klub rəhbərliyinin qarşısına şərt qoyub.

Publika.az "trend"-ə istinadla xəbər verir ki, bu barədə ispaniyalı jurnalist Mark Marba paylaşım edib.

O bildirib ki, argentinalı hücumçu Jerar Pikenin komandadan göndərilməsini istəyib. 35 yaşlı forvard İspaniya millisinin üzvünün Kataloniya klubunda qalacağı təqdirdə təklifi qəbul etməyəcəyini deyib.

İddiaya görə, iki futbolçu arasında münasibət son vaxtlar olduqca korlanıb. Onların hətta Messinin "Barselona"da olduğu son mövsümdə bir-biri ilə danışmadıqları bildirilib.

Daha əvvəl Pikenin Madrid "Atletiko"suna keçəcəyi ilə bağlı xəbər yayılıb.

Qeyd edək ki, Lionel Messinin PSJ ilə müqaviləsi 2023-cü ilin yayında başa çatacaq.