İdman

"Qalatasaray"ın 23 futbolçusu Bakıya gələcək

25 Mart 2023 23:45

Xeyriyyə oyununda "Qarabağ"ın qonağı olacaq Türkiyənin “Qalatasaray” klubunun Bakıya gətirəcəyi heyət açıqlanıb.

Publika.az klubun rəsmi saytına istinadən xəbər verir ki, komandanın baş məşqçisi Okan Buruk 23 futbolçu ilə yola çıxacaq.

“Sarı-qırmızılar”ın Mauro İkardi, Nikolo Zaniolo, Serjio Oliveyra, Lukas Torreyra kimi oyunçuları heyətdədir:

Leo Dibua, Matias Ross, Lukas Torreyra, Fredrik Midtşyö, Yunus Akgün, Atakan Ordu, Emre Taşdemir, Nikolo Zaniolo, Bafetimbi Qomis, Berkan Kutlu, Kaan Ayhan, Serjio Oliveyra, Yusuf Demir, Okan Koçuk, Abdülkerim Bardakçı, Beknaz Almazbekov, Arda Deniz Yavaş, Baran Demiroğlu, Ali Yeşilyurt, Caner Doğan, Xuan Mata, Berkan Aksoy, Mauro İkardi.

Məlumat üçün bildirək ki, sabah Bakı Olimpiya Stadionunda keçiriləcək “Qarabağ” - “Qalatasaray” oyunu saat 20:00-da başlayacaq. Görüşdən əldə olunacaq bütün gəlirlər Türkiyədə baş vermiş zəlzələdən əziyyət çəkənlərə yardım üçün göndəriləcək.