İdman

Şok etiraf: Baş məşqçi olmaq üçün rüşvət verib və oyun alverində iştirak edib

12 Yanvar 2024 13:56

Çin millisinin sabiq baş məşqçisi Li Te maraqlı açıqlamalar verib.

Publika.az xəbər verir ki, o, rüşvət müqabilində millidə yer aldığını bildirib. Məşqçi olduğu vaxtlarda danışılmış oyunlarda iştirak etdiyini də etiraf edib:

“Həqiqətən üzr istəyirəm. O vaxtlar futbolda bəzi şeylər adi hal idi. Yaxşı nəticələr əldə etmək üçün hakimlərə təsir etməyə, rəqib futbolçulara və məşqçilərə rüşvət verməyə, başqa klublarla danışıqlar aparmağa başladım. Bu davranış vərdiş halına gəlir və zaman keçdikcə bu təcrübələrdən bir qədər də asılılıq yaranır”.

Te Çin millisinin baş məşqçi postu üçün 350 min avrodan çox pul ödədiyini bildirib.

Qeyd edək ki,Te 2020-ci ilin yanvarından 2021-ci ilin dekabrına kimi Çin millisinə rəhbərlik edib. Onun rəhbərliyi altında komanda 10 oyun keçirib.

Heybət