Onun ilk çılpaq fotosessiyanın pulunu Maradona ödəyib - FOTOLAR

Model və "Playboy" ulduzu Antonela Avellaneda iddia edir ki, onun ilk çılpaq fotosessiyasının pulunu əfsanəvi futbolçu Dieqo Maradonadan alıb. Bu, məşhurlaşmadan və "Big Brother" realiti şousunda qatılmamışdan əvvəl olub.

Dieqo Maradona futbol meydançasından kənarda narkotik və gözəl qadınların daxil olduğu vəhşi həyat tərzi ilə tanınırdı. Onlardan biri sonradan "Playboy" modelinə çevrilən Antonella idi.

Avellaneda argentinalı futbolçunun böyük pərəstişkarı idi. O, məşhur olmaq istəyirdi. Məhz ilk çılpaq fotosessiyasına sponsorluq edərək buna nail olmaqda ona kömək edən Dieqo Maradona oldu. "Bu, mənim ilk çılpaq fotosessiyam idi. O vaxt mobil telefonlar yox idi və bütün fotoşəkillər studiyada çəkilirdi. Bütün bunların pulunu Dieqo Maradona ödədi, biz bunu hər həftə, həmişə fərqli geyimdə təkrarladıq", - deyə Antonella qeyd edib.

"Playboy" ulduzu futbolçunun onun diqqətini necə çəkdiyindən də bəhs edib: "Düzü, bunu anlamasam da, məndə potensial və gözəllik görürdü. Onun kimi bir ulduzun heyran qalması mənə böyük güc verdi. Bir gün mənə zəng edib dedi ki, "tanıdığı ən gözəl qadın mənəm". Bu mənim üçün şərəf idi, onun üçün çox darıxıram".

41 yaşlı model Maradonanın pulunu necə xərclədiyini də danışıb: "O zaman 18 yaşım var idi və Rəqəmsal Marketinq fakültəsində təhsil haqqımı ödəyirdim. Ailəmə mağaza açmağa kömək etdim və ilk avtomobilimi - "Opel Corsa"nı aldım. Modellik biznesi ilə məşğul olmağa başladım. Çiliyə, sonra Meksikaya getdim. Bu, mənim üçün dönüş nöqtəsi oldu. Çünki əks halda Braziliyaya heç vaxt yollana bilməzdim".

O, 2019-cu ildə "Playboy" jurnalının Portuqaliya nəşrinin üz qabığında görünüb. Bundan əvvəl o, 2003 və 2004-cü illərdə iki dəfə məşhur kişi jurnalının üz qabığında olub.

"Mənə özümə və potensialıma inanmaq üçün güc verən Dieqo oldu. O, mənə dedi ki, başqalarının nə düşünməsindən asılı olmayaraq, həmişə əlimdən gələni etməyə çalışım. Biz tez-tez telefonla danışırdıq, lakin sonradan xəstələnəndə ailəsinin qayğısına qalması üçün ondan ayrıldım. Dünyasını dəyişəndə ​​çox ağladım", - deyən Avellaneda futbol əfsanəsinə minnətdarlığını bildirib.

Qeyd edək ki, Dieqo Maradona 2020-ci ildə 60 yaşında ürək tutmasından vəfat edib.