İdman

Həmin oyunu yenidən oynamaq istəyir: Bizə bir gün də vaxt verilsəydi...

1 May 2024 13:30

Futbol karyerasını başa vuran italiyalı sabiq qapıçı Canluici Buffon keçmişi xatırlayaraq hansı oyunu təkrar keçirmək istədiyini açıqlayıb.

Publika.az xəbər verir ki, söhbət 2012-ci il Avropa çempionatının İtaliya və İspaniya milliləri arasında keçirilən final oyunundan gedir:

“Karyeramda hər hansı bir oyunu təkrar oynaya bilsəm, bu, 2012-ci ildə İspaniyaya qarşı Avropa çempionatının finalı olardı. Bu nəticəyə layiq deyildik, yorğun oynadıq. Heç vaxt bəhanə axtarmıram, amma dözülməz psixofiziki şəraitdə oyunu keçirdik.

Bizə bir gün də istirahət verilsəydi, başqa cür oynaya bilərdik. Sonda İspaniyaya qarşı heç nə edə bilmədik. Baxmayaraq ki, onları qrup mərhələsində dayandıran yeganə komanda biz idik”.

Qeyd edək ki, finalda İtaliya İspaniyaya 0:4 hesabı ilə uduzub. Bu komandaların qrup mərhələsindəki oyununda isə heç-heçə qeydə alınıb - 1:1.

Heybət