İdman

DÇ-nin mükafatçısı 26 yaşında öldü - FOTO

7 Oktyabr 2024 10:48

Keniyalı qaçışçı Kipyeqon Bett 26 yaşında vəfat edib.

Publika.az xəbər verir ki, hadisə oktyabrın 6-da baş verib. Bett ötən günü yerləşdirildiyi Bomet qraflığındaki Tenvek xəstəxanasında dünyasını dəyişib. Bu barədə onun bacısı, tanınmış atlet Puriti Kiruy məlumat verib.

“O, bir aya yaxın özünü pis hiss etdi və xəstəxanada ambulator müalicə olundu. Şənbə günü onun vəziyyəti pisləşdi və əlavə müayinə üçün Tenvek xəstəxanasına göndərildi”, - deyə Kiruy bildirib.

Kipyeqonun qaraciyəri və digər daxili orqanlarının zədələndiyi iddia olunur.

Bett 800 metr məsafəyə qaçışda gənclər arasında 2016-cı il dünya çempionu və eyni məsafədə 2017-ci ildə dünya çempionatının bürünc mükafatçısıdır.

2018-ci ildə o, dopinqə görə 4 il müddətinə cəzalandırlıb. 2022-ci ildə qısa müddətə yarışlara qayıdıb. Lakin sonra səhhətinə görə çıxış edə bilməyib.

Heybət