Mbappe ilə bağlı şok iddia: Zorlamada şübhəli bilinir

"Real"ın və Fransa millisinin hücumçusu Kilian Mbappe İsveçin paytaxtında zorlama və cinsi təcavüz işində şübhəli bilinir.

Publika.az xəbər verir ki, bu barədə yerli nəşrlər "Aftonbladet" və "Expressen" məlumat yayıb.

Stokholm polisinin Mbappe, onun bir neçə qohumu və PSJ-nin futbolçusu Nordi Mukielenin keçən həftə qaldığı oteldə zorlama hadisəsini araşdırdığına dair informasiya yayılıb. Qadın iddia edilən cinayətdən iki gün sonra, oktyabrın 12-də polisə şikayət edib. Eyni zamanda, mətbuatda şübhəli şəxslərin kimliyi qeyd olunmayıb.

Daha sonra media Mbappedən əsaslı şəkildə şübhələnildiyini açıqlayıb. Hüquq-mühafizə orqanlarının əməkdaşları şahid ifadələri və sübutlar toplamaq üçün otelə baş çəkiblər. İsveç qanunlarına görə, Mbappeyə verilən status şübhənin ən aşağı səviyyəsinə uyğundur.

Zorlama ilə bağlı ilk məlumatların ortaya çıxmasından qısa müddət sonra Mbappe hələ şübhəli kimi adı çəkilməsə də, məlumatı yalan adlandırıb. O, bu xəbəri PSJ-nin Mbappeyə borc kimi 55 milyon avro ödəmək qərarından verdiyi apellyasiya şikayətinə baxılması ilə əlaqələndirib. İclas bu gün baş tutacaq.

Qeyd edək ki, Mbappe oktyabrın 10-da, Fransa yığması Millətlər Liqasında İsraillə oyun keçirəndə (4:1) Stokholmda idi. Hücumçu ona daha çox istirahət və zədəsini sağaltmaq üçün vaxt vermək üçün komandaya çağırılmayıb. Mbappe və dostları Stokholmun mərkəzindəki restorana baş çəkib, sonra isə gecə klubuna gedib.

Heybət