"Qızıl buts" uğrunda gərgin mübarizə: Lider kimdir? - SİYAHI

Avropa zonası üzrə keçirilən ölkə çempionatlarında mövsümün bombardiri siyahısı dəyişib.

Publika.az xəbər verir ki, "Qolden buts"un reytinqinin lideri La Liqanda 16 qol vuran (reytinqdə 32 xal) “Barselona”nın polşalı hücumçusu Robert Levandovskidir.

İkinci yeri İngiltərə çempionatında "Liverpul"un heyətində 15 qol vuran misirli hücumçu Məhəmməd Salah (30 xal) tutur. “Bayern”in ingilis hücumçusu Harri Keyn 14 qolla üçüncüdür (reytinqdə 28 xal).

“Mançester Siti”nin hücumçusu Erlinq Haaland vurduğu 13 qolla (reytinqdə 26 xal) 6-7-ci yerləri bölüşür.

"Qızıl buts" mükafatı ölkə çempionatlarının sonunda mövsümün bombardirinə verilir. Yarışın qaydalarına əsasən, Avropanın ən yaxşı 5 liqasında (İspaniya, İngiltərə, İtaliya, Almaniya, Fransa) qollar 2 əmsala vurulur. UEFA reytinqində 6-21-ci yerləri tutan ölkələr üçün (Niderland, Portuqaliya, Belçika, Ukrayna və s.) əmsal 1,5 olaraq müəyyən edilib. Amma qalan liqalarda vurulan qollar (22-ci yerdə olan ölkədən) nominal hesablanır.

Heybət