İdman

Qurban Qurbanov Simeone və Qvardiolaya "yuxarı"dan baxır

30 Yanvar 2025 12:42

Almaniyanın "Kicker" nəşri Avropada bir klubda ən uzun müddət baş məşqçilik edən mütəxəssislərin yeni reytinq siyahısını açıqlayıb.

Publika.az xəbər verir ki, siyahıda "Qarabağ"ın baş məşqçisi Qurban Qurbanov da var. Ağdam klubuna 2008-ci ilin yayından rəhbərlik edən 52 yaşlı mütəxəssis siyahıda ikincidir.

Birinci yerdə "Haydenhaym"ın baş məşqçisi Frank Şmidt qərarlaşıb. O, 2007-ci il sentyabrın 17-dən komandanı çalışdırır.

"İlk üçlüy"ü İngiltərənin İkinci Liqasında mübarizə apara "Harroqit Taun" klubunun baş məşqçisi Siom Uievir qapayır. O, 2009-cu ildən bu vəzifədədir.

Sonrakı sıralarda müvafiq olaraq Piter Vermes ("Sportinq Kanzas Siti" - 2009), Dieqo Simeone ("Atletiko" - 2011), David Hili ("Linfild" - 2015), Can-Pyero Qasperini ("Atalanta" - 2016), İqor Kovaleviç ("Neman Qrodno" - 2016), Pep Qvardiola ("Mançester Siti" - 2016) və Yindrix Trpisovski ("Slaviya Praqa" - 2017) qərarlaşıb.

Heybət