İdman

"Neftçi" "Beşiktaş"ın hücumçusunu transfer edir?

30 Yanvar 2025 12:13

"Neftçi" "Beşiktaş"ın gənc hücumçusu Mustafa Həkimoğlunu transfer edə bilər.

Publika.az xəbər verir ki, bu barədə "Serencebey" məlumat yayıb.

Azərbaycan təmsilçisi İstanbul nəhənginin 17 yaşlı forvardını 1,5 il müddətinə icarəyə götürmək istəyir. "Beşiktaş" rəhbərliyi bu transferə isti yanaşır. Lakin qardaş ölkə klubunun şərti var.

"Qara qartallar" hücum xəttinə yeni futbolçu transfer edə bilsələr, Mustafanın "Neftçi"yə keçməsinə icazə verəcəklər.

Qeyd edək ki, "Beşiktaş"ın yetirməsi olan Həkimoğlu bu mövsümdən etibarən əsas komandanın düşərgəsinə cəlb edilib. Universallığı ilə seçilən türkiyəli futbolçu bütün turnirlərdə 17 oyun keçirib və 1 qol vurub. Türkiyənin U-21 millisinin üzvünün transfer dəyəri 2,5 milyon avro olaraq qiymətləndirilir.

Heybət