Neymara bəd xəbər
Bizi izləyin
Aptekonline

İdman

Neymara bəd xəbər

Neymar bud əzələsindən aldığı zədə səbəbindən ən azı bir ay meydana çıxa bilməyəcək.

Publika.az xəbər verir ki, bu barədə “UOL Esporte” jurnalisti Lukas Musetti məlumat verib.

“Neymar şənbə günü əlavə müayinələrdən keçəcək ki, zədəsi haqqında daha çox məlumat ala bilsin.

İndiyə qədərki proqnoz “çox ciddi deyil, lakin çox yüngül də deyil. O, ən azı bir ay yaşıl meydanlardan kənarda qalacaq”, – Musetti sosial şəbəkədə yazıb.

Klub daha əvvəl hücumçunun sağ budunun düz əzələsindən zədə aldığını bildirmişdi.

Neymar düz bir ay sıradan çıxsa, Braziliya liqasında “Santos”un heyətində 5 matçda oynaya bilməyəcək. O, Braziliyanın Cənubi Koreya (10 oktyabr) və Yaponiya (14 oktyabr) ilə yoldaşlıq görüşlərini də buraxacaq.

33 yaşlı futbolçu bu mövsüm Braziliya çempionatında 13 matçda 3 qol vurub və 1 məhsuldar ötürmə edib.

Oxumağa davam et
Reklam
Reklam

Gündəm

Aptekonline