İdman

“Real” tarixinin ən böyük büdcəsini açıqlayacaq: Fantastik məbləğ

9 Noyabr 2025 15:37

“Real” tarixinin ən böyük büdcəsini – 2025/26 mövsümü üçün 1,248 milyard avro ayıracaq.

Publika.az Xəbər verir ki, “2Playbook”a görə, bu, əvvəlki illə müqayisədə 5,4% artım deməkdir və artımın əsas səbəbi təmir edilmiş “Santyaqo Bernabeu” olacaq.

Stadion kluba 402,5 milyon avro (+23%) gəlir gətirəcək ki, bu da əsasən VIP oturacaqlar və tur gəlirinin 31% artması hesabınadır. Madrid klubu akademiya oyunçularının satışına görə bonuslardan daha 60 milyon avro alacağını gözləyir.

Kişi futbolu hələ də gəlirin 97%-ni təşkil edir, qadın komandası 12,4 milyon, basketbol isə təxminən 23 milyon avro əlavə edəcək.

Xərclər də rekordlar qırır: oyunçuların maaşları və amortizasiya üçün ümumi xərclər 623,5 milyon avroya (15% artım) yüksələcək. Bunun 468 milyon avrosu təkcə futbol maaşları üçündür. Basketbol bölməsi xərcləri 28% artırıb və 38 milyon avroluq rekord itkiyə məruz qalacaq.

Müqavilənin amortizasiyası 34% artaraq 155,6 milyon avroya çatacaq.