“Qəbələ” “Qarabağ”a məğlub oldu - YENİLƏNİB

Misli Premyer Liqasında XVI turun daha bir oyunu keçirilib.

Publika.az-ın məlumatına görə, günün ilk matçında "Qarabağ" "Qəbələ"nin qonağı olub.

Qarşılaşma "köhlən atlar"ın qələbəsi ilə bitib - 2:1.

Meydan sahiblərinin heyətində 6-cı dəqiqədə Prins Ovusu fərqlənib.

Ağdam klubunda 27-ci dəqiqədə Bədavo Hüseynov, 79-cu dəqiqədə Marko Yankoviç adını tabloya yazdırıb.

Xallarının sayını 36-ya çatdıran "Qarabağ" hazırda liderdir. "Qəbələ" 8 xalla 11-cidir.

Günün ikinci matçında "Araz-Naxçıvan" "Şamaxı" ilə üz-üzə gələcək.

Qeyd edək ki, XVI tura dekabrın 22-də "Sumqayıt" - "Sabah" oyunu ilə yekun vurulacaq. Daha əvvəl "Turan Tovuz" "Kəpəz"i (2:0), "Neftçi" "Karvan-Yevlax"ı (2:1) məğlub edib. "Zirə" - "İmişli" qarşılaşmasında qolsuz heç-heçə qeydə alınıb.

11:42

Bu gün Misli Premyer Liqasında XVI turun daha iki oyunu keçiriləcək.

Publika.az xəbər verir ki, “Qəbələ” “Qarabağ”ı, “Araz-Naxçıvan” isə “Şamaxını” qəbul edəcək.

Görüşlər müvafiq olaraq, saat 15:00-da və 17:30-da başlayacaq.

Tura dekabrın 22-də keçiriləcək “Sumqayıt”-“Sabah” matçı ilə yekun vurulacaq.

21 dekabr

15:00. “Qəbələ” – “Qarabağ”

Hakimlər: Əli Əliyev, Namiq Hüseynov, Cəmil Quliyev, Nicat İsmayıllı

VAR: Rauf Cabarov

AVAR: Elşad Abdullayev

Hakim-inspektor: Anar Salmanov

AFFA nümayəndəsi: Eldar Məmmədov

Qəbələ şəhər stadionu.

17:30. “Araz-Naxçıvan” – “Şamaxı”

Hakimlər: Fərid Hacıyev, Rahil Ramazanov, Eyyub İbrahimov, İnqilab Məmmədov

VAR: Əliyar Ağayev

AVAR: Kamranbəy Rəhimov

Hakim-inspektor: Ömər Paşayev

AFFA nümayəndəsi: Asif Əliyev

“Liv Bona Dea Arena”.