İdman

İlin son oyunu: Premyer Liqada qış çempionu hansı komanda olacaq?

22 Dekabr 2025 09:38

Bu gün Azərbaycan Premyer Liqasında 16-cı tura bir görüşlə yekun vurulacaq.

Publika.az xəbər verir ki, 2025-ci ilin son oyununda “Sumqayıt” “Sabah”ı qəbul edəcək. Mehdi Hüseynzadə adına Sumqayıt şəhər stadionunda keçiriləcək görüş saat 19:30-da başlayacaq. Qonaqlar bu oyunda qalib gələrsə, qış çempionu olacaq. Əks halda bu “Qarabağ”a qismət olacaq.

Xatırladaq ki, daha öncə keçirilmiş oyunlarda “Kəpəz” “Turan Tovuz”a (0:2), “Karvan-Yevlax” “Neftçi”yə (1:2), “Qəbələ” “Qarabağ”a (1:2) uduzub, “Araz-Naxçıvan” “Şamaxı”ya qalib gəlib – 2:0. “Zirə” – “İmişli” matçında isə qalib müəyyənləşməyib – 0:0.

Azərbaycan Premyer Liqası, 16-cı tur
22 dekabr

19:30 Sumqayıt – Sabah
Hakimlər: Tural Qurbanov, Asiman Əzizli, Rəhman İmami, Rəvan Həmzəzadə.
Mehdi Hüseynzadə adına Sumqayıt şəhər stadionu.

Heybət