İdman

Corcina Ronaldo ilə toyu və brilliant üzük haqqında danışdı: Ən kiçik hədiyyə budur - FOTOLAR

22 Dekabr 2025 12:30

"Əl-Nəsr"in ulduzu Kriştiano Ronaldonun nilşanlısı Corcina Rodriges yeni say üçün ispan "Elle" jurnalına çəkilib.

Publika.az xəbər verir ki, müsahibədə o, Kriştiano ilə nişanı və qarşıdakı toyları barədə danışıb. Argentinalı model Ronaldonun evlilik təklifi zamanı ona hədiyyə etdiyi nəhəng brilliant üzük haqqda da fikirlərini bildirib:

“Üzük möhtəşəmdir. 10 il gözlədikdən sonra özümə edə biləcəyim ən kiçik hədiyyə budur (gülür). O qədər həyəcanlanmışdım ki, üzüyü otağımda qoydum və gün işığında baxmaq üçün ertəsi günə qədər açmadım (gülür)”.

O, toyun sadə olacağını, çox sayda ulduz qonağın yer almayacağını bildirilib

“Bizim sevgimiz hər gün yenidən qurulur. O dəyişir, uyğunlaşır və daha da möhkəmlənir. Hazırda hiss etdiklərimiz gerçəkdir və möhkəm əsaslara söykənir. Bu, seçimdir, qayğıdır və hörmətdir”.

Publika.az