İdman

"İnter"də Çalhanoğlu müəmması: Hansı addımı atacaq?

17 Fevral 2026 15:30

"İnter"gələn ay yarımmüdafiəçi Hakan Çalhanoğlunun meneceri ilə görüşərək onun müqaviləsinin uzadılmasını müzakirə etməyi planlaşdırır.

Publika.az xəbər verir ki, bu barədə jurnalist Nikolo Skira məlumat yayıb.

Türkiyəli futbolçunun hazırkı müqaviləsi gələn il başa çatır. Milan təmsilçisi onunla 2028-ci ilə qədər yeni müqavilə imzalamaq, həmçinin sözləşməni əlavə bir il uzatma üstünlüyü əldə etmək istəyir.

Avropa və Səudiyyə Ərəbistanından olan klublar Çalhanoğlunun vəziyyətini diqqətlə izləyir və "İnter" onunla razılığa gələ bilməsə, transfer üçün addım ata bilərlər.

"Qalatasaray" da futbolçunu yayda vətəninə qaytarmaq istəyir. Komandanın baş məşqçisi Okan Buruk bu marağı təsdiqləyib.

Çalhanoğlu bu mövsüm komandanın yarımmüdafiəsində əsas fiqurlardan biri olaraq qalır və 8 qol, 4 məhsuldar ötürmə ilə yüksək formada çıxış edir.

Heybət