“Red Bull”dan Ferstappenə möhtəşəm jest: Maaşını al və…

“Red Bull” komandası son vaxtlar Formula 1-dən gedə biləcəyini açıq şəkildə dilə gətirən pilotu Maks Ferstappen üçün xeyirxah addım atmağa hazırdır.

Publika.az xəbər verir ki, bu barədə “The Telegraph” məlumat yayıb.

Komandanın rəhbərliyi liderini qorumaq istəyir və bunun üçün ona bir illik məzuniyyət təklif etməyə hazırdır. Bu müddət ərzində hollandiyalı pilota demək olar ki, tam maaşı ödənəcək.

Komanda 4 dəfə dünya çempionunun 2027-ci il mövsümünü buraxmasına razılıq verə bilər və bu müddət ərzində Maks illik 60 milyon funt sterlinq qazanacaq.

“Red Bull” komandası gözləyir ki, bu zaman Ferstappen psixoloji baxımdan bərpa olunacaq və yenidən yarış həvəsini geri qazanacaq. Eyni zamanda, 2027-ci ildə o, digər seriyalarda iştirak edə bilər və istəsə, komandasına əvvəlcədən qayıtmaq imkanına malik olacaq.

Qeyd olunur ki, belə bir sxem hollandiyalının “Red Bull”a geri qayıtmasını tam təmin etmir. Pilot üçün vacib olan komandanın əvvəlki illərdəki üstünlüyünü itirdikdən sonra rəqabət qabiliyyətini sübut edə bilməsidir.