Fransa millisinin görünməz qəhrəmanı kimdir? - Anri onu seçdi

Fransa futbolunun əfsanəsi Tyerri Anri qarşıdan gələn Dünya Kuboku ilə bağlı qısa bir proqnoz vermək qərarına gəlib.

Publika.az xəbər verir ki, Anri Fransa millisində bir çoxlarının görməzdən gəldiyi bir oyunçunu seçib: Kuadio Kone.

“Mən demirəm ki, o, parlaq Dünya Kuboku keçirəcək və ya parlaq oyun göstərməyəcək. Bilmirəm, amma insanların eşitmədiyi bir oğlan var və o, “Roma”da oynayır. Mən onunla Olimpiadada işləmişəm.

Bu, Manu Konedir. Məncə, o, hazırda ən yaxşı dayaq yarımmüdafiəçilərindən biridir. O, çox təvazökardır.

O, Münhenqladbaxda oynayıb. Daha sonra “Roma”ya keçib. İndi o, Fransa millisinin start heyətindədir, çünki Didye Deşam açıq-aydın millidə oynamağa layiq olduğunu düşünür.

Və o vaxtdan bəri o, parlaqdır. Düşünmürəm ki, onun adı tez-tez çəkilir, amma o, Fransa millisinin start heyətindədir. Bu komandada olmaq üçün həqiqətən yaxşı olmalısan.

Onun Dünya Kubokunda oynayıb-oynamayacağını bilmirəm. Hələlik deyərdim ki, bu komandada onun adı tez-tez çəkilmir, çünki insanlar Dembele, Desire Doe, Barkola, Saliba və Konate haqqında danışırlar. Amma insanlar onun haqqında danışmırlar. Mən həqiqətən inanıram ki, o, çox, çox, çox etibarlı oyunçudur”, – Anri deyib.