Qrimaldonun özündən 2 yaş böyük sevgilisi: Onlar necə tanış olublar? - FOTOLAR

Aleks Qrimaldo “Bayer Leverkuzen”də üçüncü mövsümünü keçirir. Birinci mövsümündə Xabi Alonsonun yaxşı işləyən maşınının ayrılmaz hissəsi olaraq Almaniya çempionluğunu və Almaniya Kubokunu qazandı. İkinci mövsümündə isə ən yaxşı oyunçu statusunu möhkəmləndirdi və tezliklə daha böyük bir kluba keçəcək.

Amma ona azarkeşlik edən bir gözəl də var.

Publika.az oxucuları “Barselona” akademiyasının məzununun ən sadiq azarkeşi – Ana ilə tanış edir.

Ana Fuster Qarsiya 15 iyun 1993-cü ildə anadan olub. Xanımın 32 yaşı var və o, Qrimaldodan iki yaş böyükdür.

Ananın doğulduğu şəhər, Aleksinki kimi, Valensiyadır. Əslində, bu fakt onların harada tanış olduqları sualını aradan qaldırır: onlar bir-birini uşaqlıqdan tanıyırlar.

Ana uşaqlıqda futbol oynayıb, “Levante”nin gənclər komandasında çıxış edib. Lakin o, peşəkar karyeraya başlamayıb: vəkil olmaq qərarına gəlib və məhkəmə tibb elmləri üzrə dərəcə alıb.

Ana karyerasının hər mərhələsində Alekslə birlikdə olub: “Barselona B”dən tutmuş Avro 2024-ün qızıl medalına qədər!

1dekabr 2022-ci ildə cütlüyün Lusiya adlı bir qızı dünyaya gəldi. İndi Aleks stadionda iki şəxsi azarkeş tərəfindən həvəslə dəstəklənir!

Yeri gəlmişkən, cütlük hələ evlənməyib. Görünür, Qrimaldo Çempionlar Liqasını qazanmağı hədəfləyən bir klubda oynayacağı zamanı gözləyirlər.