İran Ermənistana görün nə təklif etdi

Tehran Ermənistana təbii qaz tədarükünü artırmaq məqsədilə yeni kommersiya sxemi təklif edib.

Publika.az xəbər verir ki, bu barədə İranın "Mehr" agentliyi neft nazirinin ermənistanlı ərazi idarəetmə və infrastrukturlar naziri David Xudatyan ilə görüşünün yekunlarına əsasən məlumat yayıb.

Paknejad vurğulayıb ki, ölkələr arasında indiki enerji əməkdaşlığı qazın elektrik enerjisinə dəyişdirilməsi prinsipi ilə həyata keçirilir, lakin İran qaz ixracının həcminin artırılmasına yönəlmiş alternativ model irəli sürüb.

Nazirin sözlərinə görə, tərəflər birgə işçi qrupunun yaradılması və növbəti danışıqlar raunduna qədər qiymətləndirmə üçün konkret nəticələrin əldə olunması məqsədilə onun fəaliyyətinə qısa müddətdə başlanılması barədə razılığa gəliblər.

Görüşdə, həmçinin enerji sahəsində qarşılıqlı fəaliyyətin perspektivli istiqamətləri – ikitərəfli ticarətin genişləndirilməsi, texniki və mühəndislik xidmətlərinin ixracı, neft emalı güclərinin tikintisi və Ermənistana neft məhsullarının tədarükü müzakirə olunub.

Hüseyn İbadlı