FİFA-nın İsrail və Fələstinlə bağlı planı var: Belə barışdıracaq

FİFA qarşıdan gələn 15 yaşadək futbolçular arasında futbol festivalına Fələstin və İsrail arasında keçiriləcək oyunla başlamağı planlaşdırır.

Publika.az xəbər verir ki, bu barədə “The Athletic” məlumat yayıb.

Məlum olduğu kimi, Fələstin Futbol Assosiasiyasının prezidenti Cibril Rəcub Vankuverdə keçirilən FİFA Konqresi zamanı İsrail Futbol Assosiasiyasının vitse-prezidenti Bəsim Şeyx Süleymanın əlini sıxmaqdan imtina etmişdi.

Beynəlxalq Futbol Federasiyasının prezidenti bu görüşü müharibə aparan ölkələrin futbol təşkilatlarını barışdırmaq məqsədi ilə planlaşdırmışdı, lakin ilk planın uğursuzluğundan sonra gələcək festivalın açılış matçını onların iştirakı ilə təşkil etmək istəyir.

Əl sıxmaqdan imtina edildikdən sonra belə, Racub İnfantinoya qarşıdan gələn gənclər turnirini və beynəlxalq gənclər futbolunun inkişaf etdirilməsi zərurətini nəzərə alaraq birləşməyin vacibliyini xatırladıb:

“Qarşımızda 211 ölkənin hamısını, dünyanın bütün uşaqlarını dəvət edəcəyimiz gözəl bir U15 turniri var – gəlin bunu onlar üçün edək. Gəlin birlikdə çalışaq – sizə dəstəyimi vəd edirəm və bütün bu salonun dəstəyini alırsınız”.

Xatırladaq ki, ötən ilin dekabr ayında FİFA 15 yaşa qədər oğlan və qızlar arasında festival formatında keçiriləcək bir sıra turnirlərin yaradıldığını elan etmişdi.

Müəllif: Tural