İdman
Madriddə mənasız, Portuda mənalı qarşılaşma
Bu gün Çempionlar Liqasında 1/8 final mərhələsinin cavab görüşlərinə start veriləcək.
Publika.az xəbər verir ki, ilk oyun günündə iki qarşılaşma baş tutacaq.
Madriddə formal qarşılaşma
İlk görüşdə “Şalke”ni məğlub edən (2:0) “Real”ın bu matçda işi xeyli asan olacaq. Helzenkirhen təmsilçisinin heyətində xeyli sayda itkinin olması belə deməyə əsas verir. “Kral klubu” İspaniya La Liqasının son turunda “Atletik”ə məğlub olmasına rəğmən, bu görüşə tamam başqa əhval-ruhiyyədə çıxmağa çalışacaq. Deyək ki, möcüzə baş verdi, almanlar “Santyaqo Bernabeu”da iki qol vurdu. Bəs öz qapısını toxunulmaz saxlaya biləcəkmi? Bax, bu çətin məsələyə oxşayır.
Çempionlar Liqası, 1/8 final, cavab oyunu
10 mart
23:45 Real (İspaniya) – Şalke (Almaniya)
İlk oyun - 2:0
Stadion: “Santyaqo Bernabeu”.
Baş hakim: Damir Skomina (Sloveniya).
TV: Az.TV, NTV+futbol (Rusiya), NTV (Türkiyə).
Aralarındakı oyun: +3=0-0 (top fərqi – 11:2)
Cəzalı: Kevin-Prins Boatenq (Şalke).
Zədəli: Luka Modriç, Serxio Ramos, Xames Rodriges - Ralf Fermann, Fabian Qyefer, Yan Kirxhoff, Sead Kolaşinats, Dennis Aoqo, Yulian Draksler, Cefferson Farfan, Çinedu Obasi.
Optimal heyətlər
Real: Kasilyas - Karvahal, Varan, Pepe, Marselo - Lukas Silva, Kroos, İsko - Beyl, Benzema, Ronaldo.
Şalke: Vellenroyter - Hevedes, Matip, Nastasiç - Utida, Fuks - Noyştedter, Barnetta, Mayer - Şupo-Motinq, Huntelaar.
Daş qayaya rast gəlib
Digər görüşdə vəziyyət tamamilə fərqlidir. İlk oyunda “sülh”ə razılaşan “Portu”yla “Bazel”in (1:1) budəfəki oyunda hansı nəticəyə imza atacaqları maraq doğurur. Püşk atılarkən “Əjdahalar” cütün favoriti göstərilsə də, İsveçrədəki ilk qarşılaşma bütün proqnozları alt-üst etdi. Bu səbəbdən, bu komandalar arasındakı cavab görüşünün Madriddəki oyundan daha maraqlı keçəcəyini söyləmək olar.
“Portu” hazırda əla formadadır. “Əjdahalar” Portuqaliya çempionatında 6 oyundu qələbə qazanır. Amma əsas hücumçu Cekson Martinesin zədəli olması “Bazel”in işinə yaraya bilər. Son illər isveçrəlilər avrokuboklarda möhkəm kollektiv olduğunu göstəriblər. Elə ÇL-in qrup mərhələsində “Liverpul”u geridə qoyması buna bariz nümunədir.
Çempionlar Liqası, 1/8 final, cavab oyunu
10 mart
23:45 Portu (Portuqaliya) – Bazel (İsveçrə)
İlk oyun - 1:1
Stadion: “Draqao”.
Baş hakim: Yonas Eriksson (İsveç).
TV: İdman Azərbaycan, NTV+futbol 2 (Rusiya).
Aralarındakı oyun: +3=0-0 (top fərqi – 11:2)
Cəzalı: Marek Suxi (Bazel).
Zədəli: Cekson Martines - İvan İvanov, Matias Delqado.
Optimal heyətlər
Portu: Fabiano - Aleks Sandro, Maykon, Markano, Danilo - Kazemiro, Errera, Evandro - Braimi, Telyo, Abubakar.
Bazel: Vatslik - Djaka, Şer, Samuel, Safari - Fray, Elneni - Qonsales, Dzuffi, Qaşi - Ştreller.
-
İdman01:15
Arda tarixi matçında belə qol vurdu - VİDEO
-
Qoroskop00:45
Günün qoroskopu: hadisələrin axarına müdaxilə etməyin, çünki...
-
Magazin126 Aprel 23:26
Xumar Qədimova daha bir məşhur şeiri mahnıya çevirdi - VİDEO
-
İnanc26 Aprel 23:02
Həcc ziyarəti ilə bağlı zəvvarlara XƏBƏRDARLIQ
-
Region26 Aprel 22:37
Başqa çıxış yolumuz yoxdur - Paşinyan
-
Hadisə26 Aprel 21:47
Dörd aylıq körpə binadan necə düşüb? - Hadisə yerindən GÖRÜNTÜLƏR
-
Magazin126 Aprel 21:35
Günelə nə olub? - Xəstəxanadan görüntüsünü paylaşdı və... - FOTO
-
Hadisə26 Aprel 21:10
Qırmızı işıqda keçən nazirin maşını aşdı - FOTO