Ekopublika.az
Azərbaycanda ilk: şəriət qaydaları ilə işləyəcək bank yaradılır
Azərbaycan özünün ilk müstəqil İslam bankçılığının əsasını qoymağa hazırlaşır. Bu barədə Birləşmiş Ərəb Əmirliklərinin Dubay şəhərində keçirilən Qlobal Biznes Forumunda İslam bankçılığı üzrə mütəxəssis Behnam Qurbanzadə məlumat verib.
Publika.az “fins.az”a istinadən bildirir ki, onun sözlərinə görə, söhbət ölkədə ayrıca İslam bankının yaradılmasından gedir. Layihə gələn ilin əvvəllərində reallaşa bilər: “Azərbaycan hökuməti faizsiz kredit verən maliyyə mərkəzinin yaradılması üçün lazımi hüquqi bazanın yaradılmasında irəliləyiş əldə edib. Vaxtilə Azərbaycan Beynəlxalq Bankında İslam bankçılığı departamenti olub və bu baxımdan şəriət qaydalarına uyğun bankçılığın olduğu Qazaxıstan və Tacikistanla eyni sırada dayanıb. Hazırda hökumət İslam bankının yaradılması ilə bağlı baş qərargahı Səudiyyə Ərəbistanının Ciddə şəhərində olan İslam İnkişaf Bankı (İİB) ilə danışıqlar aparır”.
B.Qurbanzadənin sözlərinə görə, İİB-nin rəhbərliyi də Azərbaycanda İslam bankının olmasında maraqlıdır: “Bu bankın adı yaxın 2 ay ərzində məlum olacaq. Yeni bank filialsız fəaliyyət göstərəcək və xeyli müştəri cəlb etməyi qarşısına hədəf qoyub”.
Mütəxəssis, həmçinin, qeyd edib ki, Azərbaycanda bank sektorunun qarşılaşdığı maliyyə çətinlikləri ilə əlaqədar hökumət alternativ maliyyə mənbələrinin formalaşdırılmasında maraqlıdır: “Bu gün bazarlar daha uzunmüddətli maliyyələşmələrə ehtiyac duyur. Bank sektoru təkcə borclara və kreditlərə deyil, yatırımlara və tərəfdaşlıqlara əsaslanmalıdır”.
İqtisadiyyat şöbəsi
-
Magazin207:25
İlhan Mansız azərbaycanlı xanımından olan övladının üzünü ilk dəfə göstərdi - FOTO
-
Gözəllik02:43
Onun tumu qızıl qədər dəyərli imiş... - Botoks effekti verir
-
Ekopublika.az02:19
Bakının bu ərazisi PLANA DÜŞDÜ - Tezliklə söküləcək
-
İdman01:15
Arda tarixi matçında belə qol vurdu - VİDEO
-
Qoroskop00:45
Günün qoroskopu: hadisələrin axarına müdaxilə etməyin, çünki...
-
Magazin126 Aprel 23:26
Xumar Qədimova daha bir məşhur şeiri mahnıya çevirdi - VİDEO
-
İnanc26 Aprel 23:02
Həcc ziyarəti ilə bağlı zəvvarlara XƏBƏRDARLIQ
-
Region26 Aprel 22:37
Başqa çıxış yolumuz yoxdur - Paşinyan