.jpg)
Trans-Adriatik boru kəməri (TAP) layihəsinin işlənməsi üzrə konsorsium kəmərin Albaniyadan keçən hissəsinin tikintisinə icazə alıb. Bu barədə TAP-ın yaydığı məlumatda deyilir.
İcazə ölkənin Baş naziri Edi Ramanın rəhbərlik etdiyi Albaniya
Milli Ərazi Şurası tərəfindən verilib.
Məlumatda qeyd olunur ki, bu, Albaniya hakimiyyəti tərəfindən TAP-a
verilən ən vacib icazələrdən biridir: "Bu icazə konsorsiuma
Albaniyada tikinti işlərinə başlamağa imkan verəcək".
Məlumata görə, Albaniyada tikinti işləri 2015-ci ildə
modernləşdirmə və magistrala çıxan yolların və körpülərin inşası
ilə başlayacaq. Bundan sonra boru kəmərlərinin çəkilişi və qaz
nəqli infrastrukturu ilə bağlı digər obyektlərin tikintisinə
başlanılacaq.
Xatırladaq ki, "Şahdəniz"in işlənməsi üzrə konsorsium ötən ilin
iyun ayının sonunda qazın Avropa bazarlarına tədarükü üzrə marşrut
qismində Trans-Adriatik boru kəmərini seçib.
TAP boru kəmərinin ilkin gücü ildə 20 milyard kubmetrədək artırmaq
imkanı ilə ildə 10 milyard kubmetr təşkil edəcək. Qazın Türkiyə
ərazisi ilə nəqli üçün Trans-Anadolu qaz kəməri (TANAP) tikiləcək
ki, bu da tədarükü Avropa sərhədlərinədək təmin etməyə imkan
verəcək. /Trend/
.jpg)
.jpg)
.jpg)
.jpg)
