Magazin1

Sevda Yahyayeva yarmarkadan alış-veriş edir

2 Fevral 2016 03:57

“Bir libasdan xoşum gəlsə belə, onu məndən öncə geyinən varsa, heç vaxt həmin paltarı almaram”.

Bunu müğənni Sevda Yahyayeva Publika.az-a açıqlamasında deyib. Onun fikrincə, müğənni fərqli geyinməlidir, səhnədə yalnız səsi ilə deyil, həm də görünüşü ilə diqqət çəkməlidir.

Sevda aldığı malın brend olub-olmamasına fikir vermir:

“Geyimlərimin bahalı olmasına can atmıram. Hər kəs büdcəsinə görə alış-veriş edir. Ümumiyyətlə, çalışıram özümə yaraşan paltar geyinim. Ona görə də qiymətindən çox, keyfiyyətinə diqqət edirəm. “Geyimim mütləq bahalı butiklərdən olmalıdır”, - deyə, özümə şərt qoymuram. İnsanın öz zövqü olmalıdı və özünə yaraşanı bilməlidir”.

Müğənni vaxtı ilə geyim yarmarkalarına üz tutduğunu da açıqlayıb:

“Sonuncu dəfə bəyəndiyim paltarı tikdirmişdim. Dükanlara, yarmarkalara mən də müraciət etmişəm. Hətta bəzən şəhərin tanınmış butiklərində tapa bilmədiyini, həmin yarmarkalarda tapmaq mümkündür. Çünki çeşidlər daha çoxdur”.

İsa Şükürov