Magazin1

Aşıq Əli od püskürdü

3 Mart 2016 09:45

Aşıq Əli qəzəblənib.

Publika.az xəbər verir ki, sənətçinin özündən çıxmasına səbəb həmkarlarının milli geyiminin olmamasıdır:

“Aşıqların milli geyimi yoxdu, kim deyirsə ki, var, yalandır. Aşıqlar Birliyi istədi geyim forması olsun, amma ərsəyə gətirə bilmədi. Maliyyə problemi vardı. Bildiyimə görə, bu istiqamətdə Mədəniyyət və Turizm Nazirliyi müəyyən addımlar atacaq”.

Aşıq Əlinin fikrincə, kişi aşıqlardan fərqli olaraq, xanımlar səhnəyə rəqs geyimlərində çıxır:

“Xanımların geyindiyi həmin geyimlər konkret aşıq forması deyil. Qədimdə dövlət adamları hansı formanı geyinirdi, kişi aşıqlar da o cür geyinib səhnəyə çıxırdı. Bu da aşığın səhnə forması hesab edilib. Bu gün aşıqlar kostyum, qalstukda səhnəyə çıxır. Nazirliyin bu məsələnin tezliklə həll edəcəyinə və aşıqların səhnəyə özlərinə məxsus geyimdə çıxacaqlarına inanırıq”.

Cəvahir