Mask cinsi təcavüzdə ittiham olunur

Milyarder İlon Maskın ətrafında yeni qalmaqal alovlanır.

Publika.az “İnsider”ə istinadən xəbər verir ki, İlon Maskı cinsi təcavüzdə ittiham edən stüardessanın susması üçün 2018-ci ildə “SpaceX” şirkəti ona 250 min dollar ödəyib.

Zərərçəkmiş bildirib ki, milyarder şəxsi təyyarənin göyərtəsində ona cinsi orqanını göstərib, onun razılığı olmadan onun ayağını sığallayıb, ondan erotik masaj etməyi xahiş edib və bunun müqabilində ona at alacağına söz verib. O, hadisə barədə “SpaceX”-ə məlumat verdikdən sonra Maskın şirkəti ona 250.000 dollar təzminat ödəyib. Vəziyyətdən xəbərdar olan stüardessanın rəfiqəsi təfərrüatları nəşrə danışıb.

Bildirilib ki, stüardessa “SpaceX”in şəxsi reaktiv donanması üçün müqavilə əsasında işləyib. O, rəfiqəsinə etiraf edib ki, stüardessa kimi işə düzəldikdən sonra Maskı masaj edə bilməsi üçün ona masajçı kimi lisenziya almağı təklif ediblər. İddialara görə, 2016-cı ilin sonlarında Londona gedərkən Gulfstream G650ER təyyarəsində belə bir masaj zamanı Maskın ona belə nalayiq bir təklif edib.

“Insider” şərh üçün Mask ilə əlaqə saxladıqdan sonra iş adamı cavab “Bu hekayə daha dərinə gedir” cavabını verib və hadisənin siyasi motivləri olduğunu iddia edib.

“Əgər cinsi təcavüzə meylli olsaydım, 30 illik karyeram ərzində çətin ki, bu, ilk dəfə olardı və çoxdan üzə çıxardı” , - Mask açıqlamasında bildirib. Milyarder həmçinin qeyd edib ki, indi ona qarşı onu gözdən salmaq üçün kampaniya başlaya bilər.

Nəşr iddialara münasibət bildirmək üçün ikinci dəfə müraciət etsə də, milyarder buna cavab verməyib.

Nəşr stüardessa ilə əlaqə saxlasa da, onun özü bu xəbəri şərh etməkdən imtina edib. Hər iki şəxsin kimliyi nəşrə məlumdur, lakin təhlükəsizlik baxımından onlar anonim saxlanılıb.

Məlumat üçün bildirək ki, bu ilin aprel ayında Mask “Forbes” jurnalına görə dünyanın ən zəngin adamı olub. Onun sərvəti 219 milyard dollar olaraq qiymətləndirilib.