Magazin2

Sevgilisini müflis etməyə başlayan dünya ulduzu

11 Noyabr 2015 04:35

Amerikalı müğənni Meray Keri ilə sevgi yaşayan Ceymson Parker pullarını itirməyə başlayıb.

Publika.az xəbər verir ki, müğənni artıq Ceymsonun Beverli-Hillzdəki lüks malikanəsinə yerləşib. Meray Kerinin köçünü uzun-uzadı yük maşınları müşayiət edib. Müğənni ev mebelindən tutmuş, geyimlərini və şəxsi əşyalarını toplayaraq sevgilisinin evinə köçüb.

Qərb mətbuatı müğənninin belə tələskənliyə düşməsinin səbəbini başa düşmür.

Beş ay əvvəl görüşməyə başlayan cütlük bir neçə həftədən sonra ailə həyatı quracaq. İlk dəfə geniş ictimaiyyət arasına cütlük bu ilin sentyabr ayında çıxıb.

Ceymson Parker sahibi olduğu bütün otellərdə sevgilisinin son albomundan olan mahnıları səsləndirir. Bu isə heç də oteldə qalanların ürəyincə deyil. Heç bir təklifi dinləmək istəməyən Ceymson, oteldə qalan bəzi kirayənişinlərin oteli tərk etməsinə rəğmən, bu əməlini davam etməkdə israrlıdır.

İsa Şükürov