Yəhudi əsilli türk sevgilisi Adriana Lima üçün HAVAYA QALXDI - FOTO

Əslən yəhudi olan türkiyəli terapevt Metin Hara Adriana Lima ilə görüşmək üçün Nyu-Yorka yollanıb.

Publika.az Türkiyə mətbuatına istinadən xəbər verir ki, bu barədə məşhur terapevt instaqramda məlumat verib. M.Hara modellə şəklini paylaşdığı fotoya “Yalnız bir gülümsəməyə şahidi olmaq üçün...” sözlərini qeyd edərək Amerikaya getdiyini bildirib.

Xatırladaq ki, Adriana Lima ilə Metin Haranın keçən ay Bodrumda dincəlməsi, onların ictimai yerlərdə öpüşməsi əsas maqazın gündəmi olmuşdu. Bu yaxınlarda isə model keçmiş sevgilisi olduğu söylənən tennisçi Miltiadis Kastanisi Nyu-Yorkdakı evində qonaq etmişdi. Bu görüntülərdən sonra çoxları Adriana Limanı Metin Haraya xəyanətdə ittiham etmişdi. Model isə ünvanına yazılan ittihamlara 11 milyon abunəçisi olduğu instaqramda cavab vermişdi:

“Sevgilim Metin ilə haqqımızda yayılan dedi-qoduları eşitdim. Yanımdakı dostum Miltiadis homoseksualdır. Bəli, homoseksual və ailəmin bir üzvüdür. Sizdən xahişim edirəm ki, Metin ilə xoşbəxt olduğumuzu və məhəbbətimizi qəbul edəsiniz”.

Aytən