"Qiyamət günü gələndə sızıldayacaqlar" - Moskva Qərbə MESAJ VERDİ

Rusiyanın BMT-dəki daimi sədrinin müavini Dmitri Polyanski Litvanın İsveçdəki səfiri Linas Linkyaviçyusun Krım körpüsü ilə bağlı eyhamlarına cavab verib.

Publika.az xəbər verir ki, bu barədə o, "X" sosial şəbəkəsində yazıb.

Diplomatın sözlərinə görə, Linkyaviçyus 2022-ci ildə Polşanın xarici işlər naziri Radoslav Sikorskinin paylaşımından ilhamlanıb. Daha sonra polşalı siyasətçi sosial şəbəkələrdə “Şimal axını” qaz kəməri qəzası yerindən “Sağ ol, ABŞ” yazısı olan fotoşəkili yayımlayıb.

"Onlar indi hiddətlə hürürlər, amma sonra qiyamət günü gələndə acınacaqlı şəkildə sızıldayacaqlar və bütün bu səhvlərə görə peşman olacaqlar", - Polyanski deyib.

Qeyd edək ki, bir mddət öncə Linas Linkyaviçyus raketin işə salandığı körpünün fotosu ilə ilə kollaj paylaşıb.

"Əgər kiminsə Krım körpüsündə şəkil çəkdirmək imkanı olmayıbsa, hələ vaxt var", - deyə o bildirmişdi.

Ukrayna Prezidenti Volodimir Zelenski də Kiyev üçün Krım körpüsünün dağıdılmasını ehtiva edən yeni əks-hücum planını açıqlayıb. Ukrayna liderinin sözlərinə görə, Ukrayna Silahlı Qüvvələri üzərindən silahların daşındığı körpülərə, eləcə də hərbi aerodromlara hücum etməyi planlaşdırır.

"Bu təkcə Kerçdəki körpüdən getmir. Söhbət hərbi hədəfi təşkil edən bəzi infrastruktur obyektlərindən gedir", - Zelenski qeyd edib.

Hüseyn İbadlı