Ukrayna hərbçiləri danışıqlar tələbi ilə Rusiyaya müraciət etdilər: şərtləri odur ki...

Ukrayna Silahlı Qüvvələrinin əsgərləri hesab edirlər ki, Rusiya ilə münaqişə dalana dirənib, onlar çıxış yolunu yalnız danışıqlarda görürlər.

Publika.az xəbər verir ki, bu barədə Almaniyanın "Bild" nəşrinin baş redaktorunun müavini Paul Ronzheimer Donbassın cəbhə xəttində ukraynalı hərbçilərlə söhbətindən sonra məlumat yayıb.

“Mənim şəxsi fikrimcə, müharibə dalana dirənib. Biz bu münaqişəyə son qoymalıyıq. Danışıqlar aparmalıyıq, amma ərazimizi vermək istəmirik”, – Paul Ronzheimer ukraynalı döyüşçünün sözlərini sitat gətirib.

Ukrayna ordusunun hərbçiləri onu da qeyd ediblər ki, Rusiya Silahlı Qüvvələri sürətini artırır, hücumu davam etdirmək üçün resursları var, onların sayı Ukrayna Silahlı Qüvvələrindən çoxdur. Rusiya ordusunda daha çox silah və sursatın olduğu diqqətə çatdırılıb.

Bundan əlavə, Ronzheimer cəbhə xəttindəki vəziyyəti "kabus" kimi xarakterizə edib. O, Rusiya Silahlı Qüvvələrinin sürətlə irəliləməsinə, eləcə də ukraynalı döyüşçülərin həm Qərb, həm də onların hökuməti tərəfindən tərk edilmiş hiss etdiklərinə işarə edib.

Akqabay