MDB

Lukaşenko Trampın andiçmə mərasimində Maskın jestini pislədi

26 Yanvar 2025 18:12

Belarus Prezidenti Aleksandr Lukaşenko amerikalı iş adamı İlon Maskın ABŞ Prezidenti Donald Trampın andiçmə mərasimindəki jestini pisləyib.

Publika.az xəbər verir ki, bu barədə o, ölkəsində keçirilən president seçkilərindən sonra jurnalistlərə müsahibəsində deyib.

Belarus lideri vurğulayıb ki, belə insanlar Donald Trampı əhatə etməməlidir.

"Mən Mask haqqında əbəs yerə demədim. Niyə ekrana çıxıb milyonlarla insana qarşı nasist jesti göstərirsən? Axı biz amerikalılarla birlikdə buna qarşı mübarizə aparmışıq", - A.Lukaşenko bildirib.

Qeyd edək ki, yanvarın 20-də Donald Trampın andiçmə mərasimindən sonra çıxışında Mask prezidentin tərəfdarlarına dəstəyə görə təşəkkür edib. Çıxışı zamanı o, sağ əlini sinəsinə qoyaraq, sonra onu yana uzadıb. Maskın bu hərəkəti sosial şəbəkələrdə və KİV-də İtaliya faşistləri və alman nasistlərinin göstərdiyi jestlə müqayisə edilməyə başlanıb.