Putin Qazaxıstanın ilk prezidenti ilə görüşdü - VİDEO

Rusiya Prezidenti Vladimir Putin Qazaxıstanın ilk prezidenti Nursultan Nazarbayevlə görüşüb.

Publika.az xəbər verir ki, görüşün videogörüntüləri Kremlin “Telegram” kanalında yayımlanıb .

Həmin görüntülərdə siyasətçilər dəyirmi masada üz-üzə oturublar. Onların qarşısında bıçaq-qaşıq və stəkanlar var. Masa həmçinin ağ güllərlə bəzədilib.

Putin və Nazarbayev sonuncu dəfə 2025-ci ilin may ayında görüşmüşdülər .

Qazaxıstanın hazırkı Prezidenti Kasım-Jomart Tokayev qeyd edib ki, siyasətçilər uzun müddətdir dost və həmkar kimi görüşür, xatirələrini bölüşürlər. Respublika liderinin sözlərinə görə, Nazarbayev bu cür görüşlərin təşəbbüskarıdır və bu görüşlər onun üçün olduqca vacibdir. Tokayev qeyd edib ki, Qazaxıstan siyasətçiləri üçün Moskvaya səfərlər praktik olaraq Sovet dövründən qalma bir ənənəyə çevrilib.

Nazarbayev, 1991-ci ildən Qazaxıstanın lideri idi. 19 mart 2019-cu ildə istefa verdiyini elan edib və Tokayevi özünə varis təyin edib.

Hüseyn İbadlı