Mətbəx

Yaponların milli fastfudları - “Dəniz şabalıdı”, “Tutuquşu balığı”... - - FOTOLAR

1 İyul 2017 08:00

Bir ölkənin milli mətbəxi ilə tanışlıq o ölkənin insanları, tarixi və mədəniyyətini anlamağın ən təbii yollarından biridir.

Evdən kənarda hazırlana bilən yeməklər sayəsində sadəcə milli mətbəxin təamları deyil, həm də küçə mədəniyyəti təmsil edilir.

Dünyanın ən qəribə mətbəxlərindən biri, elə bəlkə birincisi Yapon mətbəxidir.

Bu mətbəx hər nə qədər Çin mətbəxindən faydalansa da, zaman keçdikcə özünəməxsus tərzini ortaya qoymağa çalışır. Dəniz məhsullarının çoxçeşidli olması bu mətbəxə daha bir üstünlük qazandırır. Bunun sayəsində yaponlar artıq fastfudların hazırlanması prosesində də xeyli irəliləyişlər əldə ediblər.

Belə ki, yaponlar dəniz məhsullarından çöldə hazırlanan yeməkləri öz qabıqlarında təqdim edir və bununla da əlavə xərclərə qənaət edirlər.

Məsələn, “Dəniz şabalıdı” adını verdikləri bu canlını yaponlar yemək kimi istifadə edir və yeməyi canlının öz qabığında təqdim edirlər.

Bir əllə tutulması mümkün olmadığı üçün “böyük damlı” adını verdikləri bu canlı isə yaponların ən sevdiyi fastfudlar arasındadır.

Bu dəniz heyvanının içi çıxarılır, doğranır və müxtəlif ədviyyatlar əlavə edilərək çiy formada yeyilir.

“Dəniz darağı” adlandırılan bu canlının əti əvvəlcə yuyulub təmizlənir və doğranır. Daha sonra köz üzərində öz qabığında bişirilir.

“Fugu saşimi” adlı bu balığın böyük bir qismi əslində zəhərli olur. Buna görə də onun yaxşıca təmizlənməsi və yuyulması lazımdır. Nə vaxtsa Yaponiyaya yolunuz düşsə, bu balıqdan dadmaq haqqında iki dəfə düşünün.