Gün ərzində nə qədər naringi yeyə bilərik?

Gün ərzində nə qədər naringi yeyilə biləcəyi insanın fərdi həssaslığından asılıdır.

Publika.az xəbər verir ki, bu barədə qastroenteroloq Yana Kartaeva "Gazeta.Ru"ya müsahibəsində deyib.

“Tibbdə hər hansı meyvə növünün istehlakı üçün ciddi kəmiyyət norması yoxdur, lakin ümumilikdə lif istehlakı ilə bağlı tövsiyələr var. Gündə ən azı 400 q meyvə-tərəvəz və ya 5-6 porsiya yemək tövsiyə olunur”, - deyə həkim izah edib.

Həkim qeyd edib ki, sitrus meyvələri yeyildikdən sonra mədə-bağırsaq traktından xoşagəlməz simptomlar və ya dəridə səpgi və qaşınma şəklində psevdoallergik reaksiya yarana bilər. Kartaevanın sözlərinə görə, bu cür təzahürlər sağlamlığa ciddi təsir göstərmir.

“Bu meyvələrə qarşı yaxşı dözümlülüyünüz varsa, yeyin və həzz alın. Əgər siz əlamətlərlə naringi istehlakı arasında əlaqə görsəniz, onları dərhal dietanızdan çıxarmayın, öz optimal miqdarınızı tapmağa çalışın”, - deyə həkim bildirib.

Qidalanma mütəxəssisi Tatyana Meşçeryakovanın fikrincə isə, bağırsaqlara zərər verməmək üçün ən yaxşısı naringiləri ayrıca yemək və digər yeməklərlə qarışdırmamaqdır. Naringi ilə uyğun gəlməyən məhsul ilk növbədə süddür. Onun sözlərinə görə, kazein süd proteini meyvə turşuları ilə birlikdə qazın əmələ gəlməsinə səbəb ola bilər.

Mütəxəssiz həmçinin hər hansı ət növü ilə naringi yeməyi də tövsiyə etməyib. Bundan əlavə, naringi və spirtli içkiləri qarışdırmamaq daha məqsədə uyğundur.

Cəmilə