Mətbəx

Dönərin Aİ-də qeydiyyata alınmasında kritik mərhələ başladı

25 Aprel 2024 12:30

Türkiyənin 2022-ci ildə Avropa İttifaqına dönərin qeydiyyatı və qorunması üçün müraciətində kritik mərhələyə qədəm qoyulub.

Publika.az xəbər verir ki, bununla bağlı ərizə Aİ-nin rəsmi jurnalında dərc edilib və üç aylıq etiraz müddəti başlayıb. Bu müddət ərzində etiraz olmasa, dönər Aİ tərəfindən Türkiyədən “ənənəvi” olaraq qeydə alınan ilk məhsul olacaq.

Maraqlıdır, qeydə alınmanın üstünlükləri nədir?

Ənənəvi məhsul adı qorunan coğrafi mənşə işarəsindən (PDO) və qorunan coğrafi göstəricidən (PGI) fərqlidir. TSG loqosu verilən və qorunan məhsulların müəyyən bir coğrafi ərazi ilə əlaqələndirilməsi lazım deyil və bu məhsullar müxtəlif ölkələrdə və coğrafiyalarda istehsal oluna bilər. Bir məhsulun TSG loqosu ilə qeydiyyatdan keçməsi üçün ən azı iki şərtdən birinə cavab verməlidir. Bunlardan birincisi məhsulun ənənəvi tətbiq üsulu ilə istehsal və ya emal edilməsidir. Digər səbəb isə müəyyən tərkibə malik olmasıdır.

Aysel Şahmar