Köhnə balığı təzədən ayırd etməyin yolları

Artıq balıq mövsümü başlayıb. Bir çox evlərdə vaxtaşırı balıq bişirilir.

Publika.az xəbər verir ki, Canan Karatay balığın təzə olub-olmadığını anlamağın asan yolu ilə bağlı açıqlama verib.

O bildirib ki, çox vaxt təzə və köhnə balıqları ayırd etmək çətindir: “Köhnə balıq istehlak edildikdə təhlükəli yan təsirlərə səbəb ola bilər. Su testi sayəsində mədənizdə yarana biləcək sağlamlıq problemlərinin qarşısını ala bilərsiniz. Beynin 1 nömrəli qida maddəsi olan Omeqa-3 balıqda çox olur. Ancaq bədənə fayda verməsi üçün köhnəlməməlidir. Təzə və köhnə balıq arasındakı fərqlər var. Təzə balıq suda qaldıqda dibinə çökür. Bu praktiki proseslə istehlak edəcəyiniz balığın təzəliyini anlaya və mədənizi qoruya bilərsiniz”.

C.Karatay diqqətə çatdırıb ki, bir vedrəyə su əlavə etmək və balıqları suya qoymaq kifayətdir:

“Bundan əlavə, təzə balığın əti möhkəm olacaq və qarın boşluğunda şişlik olmayacaq. Balıqların gözləri adətən ilk yoxlanılan yerlərdir. Təzə balıqların gözləri şüşə kimi parlaq və xaricə əyilmişdir. Balığın qoxusu təravətin ən bariz əlamətlərindən biridir. Təzə balıq qoxusu dənizi və ya təzə çayı xatırladır. Kəskin, turş və narahat edici qoxu balığın köhnəldiyini göstərir”.

Aysel Şahmar