İsrailə XƏBƏRDARLIQ EDİLDİ: HƏMAS təkmil silahlara sahib ola bilər

HƏMAS ehtiyatda təkmil silahlara malik ola və Qəzza zolağında quru əməliyyatına cavab olaraq İsrailə qarşı istifadə edə bilər.

Publika.az xəbər verir ki, "The Washington Times" qəzeti ekspertlərin narahatlığından bəhs edir.

Xüsusilə, cəbhə xəttindən nisbətən uzaqda yerləşən hədəflərə mümkün hücumlarla bağlı narahatlıqlar artır. Belə bir silah, məsələn, yaxşı istiqamətləndirmə sistemi olan böyük bir raket və ya sualtı pilotsuz təyyarə ola bilər. Analitiklər bu cür qənaət və fərziyyələrin hansı məlumatlara əsaslandığını vurğulamayıblar.

Qəzza zolağında quru əməliyyatı çox yaxında başlaya bilər. Bu, İsrail ordusunun oktyabrın 7-də ölkəyə qarşı hücumlarına cavab tədbirlərinin bir hissəsi olacaq.

Qeyd edək kli, HƏMAS yaraqlıları İsrailə hücum edərək əsgərləri və mülki insanları öldürüblər. Bir neçə yüz girov zorla Qəzzaya aparılıb

İsrailin sərt reaksiyası ərəb ölkələri və Türkiyənin qınağına səbəb olub, bir çox ölkə, o cümlədən Rusiya və Çin münaqişənin sülh yolu ilə həllinə çağırır.

Hüseyn İbadlı