Yaxın Şərq

"Taliban" bu səbəbdən Rusiyaya minnətdarlığını bildirdi

4 Oktyabr 2024 18:00

"Taliban" hərəkatı adının terrorçular siyahısından çıxarılması məsələsinə baxdığına görə Rusiyaya minnətdarlığını bildirir.

Publika.az xəbər verir ki, bu barədə hərəkatın Qətər Siyasi Bürosunun rəhbəri Süheyl Şahin qeyd edib.

“Hesab edirəm ki, bu addım zəruri idi və Rusiya hökumətinin rəhbərliyinə minnətdaram”, - deyə o əlavə edib.

Qeyd edək ki, oktyabrın 4-də Rusiya Federal Təhlükəsizlik Xidmətinin (FTX) direktoru Aleksandr Bortnikov MDB Dövlətlərinin Təhlükəsizlik Orqanları və Xüsusi Xidmətləri Rəhbərləri Şurasının 55-ci iclasında çıxış edərək bildirib ki, Rusiya “Taliban”ın terror təşkilatları siyahısından çıxarılması prosedurunu başa çatdırır. Onun sözlərinə görə, Əfqanıstan hakimiyyətinin hərəkətləri asayiş yaratmaq və sabitliyi qorumaq məqsədi daşıyır.

Adəm Abbaslı