Nəqliyyat
Bakıda yeni marşrut xətti açıldı
Paytaxtın yeni salınan iki yaşayış massivini əlaqələndirən marşrut xətti təşkil edilib.
Bu barədə Publika.az-a Bakı Nəqliyyat Agentliyindən bildirilib.
Yeni 10 nömrəli marşrut xətti MİDA-Yasamal Yaşayış Kompleksi ilə Bakı Ağ Şəhər yaşayış sahəsini əlaqələndirəcək. Yeni marşrut xəttinin təşkili barədə qərar çoxsaylı vətəndaş müraciətləri nəzərə alınaraq qəbul edilib. Xətt üzrə sərnişindaşımalar “BakuBus” MMC-nin müasir və komfortlu iritutumlu avtobusları ilə yerinə yetiriləcək. Gediş haqqı 0,30 manat müəyyən edilib və nağdsız formada “BakıKart”la ödəniləcək.
Yeni marşrut xəttinin təşkili sosial kompleksdə, eləcə də ətraf ərazilərdə yaşayan sakinlərin ictimai nəqliyyata olan tələbatını əhəmiyyətli dərəcədə yaxşılaşdıracaq. Əsas üstünlüklərdən biri bu xətt üzrə avtobuslar metronun “Xətai”, Səməd Vurğun bağı (“28 May” m\s), “Sahil”, “İçərişəhər”, “Elmlər Akademiyası” stansiyalarından da keçməklə hərəkət etməsidir. Mayın 3-dən sərnişinlər 10 nömrəli xətdən istifadə edə biləcəklər.
Qeyd edək ki, paytaxt ərazisində, xüsusən də ətraf kənd və qəsəbələr istiqamətində marşrut şəbəkəsinin optimallaşdırılması, sakinlərin marşrut tələbatının ödənilməsi istiqamətində işlər bundan sonra da davam etdiriləcək.
-
Cənubi Qafqaz11:21
Gürcüstanda dövlət çevrilişi hazırlanır - Görün hansı ölkələrin əli var
-
Hadisə10:49
Vəzifəli şəxs cinayət başında yaxalandı
-
Dünya10:15
Türkiyənin gücü Avropanı heyrətləndirdi - Təsiri bu bölgələrə qədər genişlənib
-
Region09:36
Qərbin Gürcüstanla Ermənistandakı etirazlara fərqli münasibəti - Erməniləri məyus edən nədir?
-
Dünya09:12
Putinin Pekin səfəri: Görün sağ və solunda kimlər oturub
-
Nəqliyyat08:40
Bakıda bu yollarda tıxac var - SİYAHI
-
Nəqliyyat07:10
Yanğına görə bağlanan yollar açıldı - YENİLƏNDİ
-
İdman06:49
Makqreqorla döyüşə razılıq verdi: Böyük adam kiçik cücəyə qarşı