Nida.az
Gürcü müxalifəti yeni inqilaba hazırlaşır - Azərbaycan qazına görə
Rəsmi Tiflisin “Qazprom”la qaz danışıqları son günlər regionun əsas müzakirə mövzularından biridir. Söhbət Azərbaycanın ən çətin vaxtlarında kömək əlini uzatdığı Gürcüstanın Bakıdan aldığı ucuz qazın qarşılığında “Qazprom”la separat danışıqlara getməsindən gedir.
Eyni zamanda, perspektivdə İrandan da qaz almaq kimi düşüncələr mövcuddur. Təbii ki, Rusiyanın enerji rıçaqı olaraq bilinən “Qazprom”un gürcü bazarına daxil olması Azərbaycanın hər şeydən öncə iqtisadi marağına uyğun gəlmir. “Ticarətdə dost yoxdur” prinsipi ilə yanaşsaq, Bakının Moskva ilə münasibətlərinin ən yüksək səviyyədə olmasına baxmayaraq, Gürcüstan qaz bazarını paylaşmaq o qədər də sərfəli variant deyil.
Oktyabrın 19-da Gürcüstanın xarici işlər naziri Georgi
Kvirikaşvilinin Bakıya səfəri də, güman ki, enerji məsələsi ilə
bağlıdır. Gürcüstanlı həmkarı ilə görüşən Azərbaycan XİN rəhbəri
Elmar Məmmədyarov isə Prezident İlham Əliyevin noyabrın 6-da
Gürcüstana səfər edəcəyini bildirib. Artıq ikitərəfli təmaslar
intensivləşib və bu məsələnin ciddi olduğunu göstərir.
Gürcüstan mediası, həmçinin ekspertlər rəsmi Tiflisin Azərbaycanın
ucuz qazını 20 faiz torpağını işğal etmiş Rusiya qazına dəyişməsini
siyasi intihar olaraq dəyərləndirirlər. Müxalifət bununla bağlı
artıq etiraz aksiyalarına başlayıb.
“Gürcüstanda Azərbaycan qazına görə növbəti inqilab ola
bilərmi?”
Mənzərəni müşahidə edərkən belə bir sual yaranır. Misal üçün,
Gürcüstan hökumətinin, daha dəqiq desək, “Gürcü arzusu”
koalisiyasının “xaç atası” sayılan Bidzina İvanişvilinin
“Qazprom”la anlaşmasını tənqid edən karikaturalar Tiflis küçələrini
bəzəyir. Buna görə polis “Tabula” müstəqil televiziyasının rəhbəri
Tamara Çerqoleişvilini saxlayıb. T. Çerqoleişvili sıradan bir
etirazçı deyil. O, televiziya rəhbəri olmaqla yanaşı, sabiq
prezident Mixail Saakaşvilinin ən yaxın silahdaşlarından olub.
Xarici ekspertlər müxalifətin bu faktoru əsas götürərək, yenidən
ayaqlana biləcəyini hesab edirlər.
Publika.az xəbər verir ki, T. Çerqoleişvilinin
iddiasına görə, İvanişvili “Qazprom”un səhmlərinin 1 faizinə
sahibdir və məhz buna görə Rusiya şirkətini Gürcüstana gətirmək
istəyir: “Hətta bu, Gürcüstanın strateji partnyoru və etibarlı
təbii qaz təchizatçısı Azərbaycanla münasibətləri korlamaq bahasına
olsa belə o, bunu etməkdə israrlıdır. Hökumətin bu planı energetika
naziri Kaxe Kaladzenin Brüsseldə Aleksey Millerlə gizli görüşündən
sonra açıldı. Həmin görüşdən sonra “Qazprom”un saytında Gürcüstan
ərazisindən Ermənistana ötürülən enerjinin tranzit haqqının
artırılması istiqamətində danışıqların getməsi ilə bağlı xəbərlər
çıxdı”.
Saakaşvilinin silahdaşlarından olmuş deputat Serqo Ratiani isə
“Qazprom”la əməkdaşlığa etiraz edəcəklərini bildirib: “Hakimiyyət
bu şirkətlər əməkdaşlıq etməklə təkcə geri çəkilmir, eyni zamanda,
Gürcüstanın enerji təchizatından problemlərin əsasını qoyur. Bu
hakimiyyətin ölkəni hara apardığını demək çətindir. Çünki onların
müəyyən edilmiş siyasətləri yoxdur. Ümumiyyətlə ucuz qazı sənin
torpağının 20 faizini işğal etmiş bir ölkənin qazına dəyişmək hansı
məntiqə sığır? Bu siyasi intiharın bariz nümunəsidir”.
Gürcüstan baş nazirinin keçmiş məsləhətçisi Qeorqi Xuxaşvili rəsmi
Tiflisin təhlükəli oyun oynadığını bildirib: “Razıyam ki,
diversifikasiya istənilən ölkəyə lazımıdır. Amma bu risklər
hesabına başa gəlirsə, ona getmək məntiqli deyil. Ümumiyyətlə
diversifikasiya siyasi və iqtisadi risklərdən qorunmaq üçün
lazımdır, özünü riskə atmaq üçün deyil. Bizim Azərbaycanla
münasibətlərimizdə siyasi riskimiz yoxdur. Çünki bu ölkənin
Rusiyadan fərqli olaraq Gürcüstanda marağı yoxdur. İqtisadi riskə
gəlincə, bu, uzunmüddətli layihədir. Siyasi risklərdən
sığortalandığımız halda bizim diversifikasiya axtarmağımızı doğru
hesab etmirəm”.
Asif Nərimanlı
-
Gözəllik02:43
Onun tumu qızıl qədər dəyərli imiş... - Botoks effekti verir
-
Ekopublika.az02:19
Bakının bu ərazisi PLANA DÜŞDÜ - Tezliklə söküləcək
-
İdman01:15
Arda tarixi matçında belə qol vurdu - VİDEO
-
Qoroskop00:45
Günün qoroskopu: hadisələrin axarına müdaxilə etməyin, çünki...
-
Magazin126 Aprel 23:26
Xumar Qədimova daha bir məşhur şeiri mahnıya çevirdi - VİDEO
-
İnanc26 Aprel 23:02
Həcc ziyarəti ilə bağlı zəvvarlara XƏBƏRDARLIQ
-
Region26 Aprel 22:37
Başqa çıxış yolumuz yoxdur - Paşinyan
-
Hadisə26 Aprel 21:47
Dörd aylıq körpə binadan necə düşüb? - Hadisə yerindən GÖRÜNTÜLƏR