Nida.az
Svetlana Əkbərova: “37 illik vəkil kimi insanlara böyük fayda verə bilərəm” – MÜSAHİBƏ
Noyabrın 1-də keçiriləcək Milli Məclisə seçkilərdə 20 saylı Nərimanov ikinci seçki dairəsindən deputatlığa namizəd Svetlana Əkbərovanın Publika.az-a müsahibəsi.
Dosye: Svetlana Əkbərova 1953-cü ildə Bakı
şəhərində anadan olub. 1978-ci ildə Azərbaycan Dövlət
Universitetinin (Bakı Dövlət Universitetinin keçmiş adı – red.)
hüquq fakültəsini bitirib. Həmin ildən etibarən Azərbaycan
Respublikası Vəkillər Kollegiyasının üzvüdür. Hazırda Bakı şəhəri 5
saylı hüquq məsləhətxanasında vəkil kimi fəaliyyət göstərir.
Ümumilikdə 37 ildir vəkil olaraq fəaliyyət göstərir.
Bitərəfdir.
- Svetlana xanım, Milli Məclisə seçkilərdə namizədliyinizi
irəli sürməyiniz hansı zərurətdən irəli gəldi?
- Ölkəmizdə gender siyasətinin sürətli inkişafını, son dövrlərdə
qadınların siyasi və ictimai həyatda daha fəal iştirakını nəzərə
alaraq mən də 5-ci çağırış parlament seçkilərində iştirak etmək
qərarına gəldim. Digər tərəfdən, parlamentdə praktika ilə məşğul
olan hüquqşünaslara ciddi ehtiyac var və mən 37 illik vəkillik
fəaliyyətimdə qanunun tətbiqi ilə məşğul olan və insanlarla sıx
təmasda olan mütəxəssis kimi qanunverici orqana öz töhfəmi
verəcəyimi düşünürəm.
Hesab edirəm ki, praktiki hüquqla məşğul olan bir
şəxs kimi Milli Məclisdə təmsil olunmağım insanlara böyük fayda
verə bilər. Bundan əlavə, uzun illər ərzində mən insanlarla
təmasdan gəldiyim nəticəyə görə, vətəndaşların hüquqi maariflənməyə
ehtiyacı var. İnsanların hüquqi biliklərinin az olması
istər-istəməz problemlərə yol açır. Ən böyük problem də dövlət
rəhbərliyinin ciddi mübarizə apardığı korrupsiyanın yaranmasıdır.
Bizim insanlarda belə bir stereotip var ki, məmur yanına
gedirsənsə, işini mütləq başqa yollarla həll etməlisən. Bunun bir
çox səbəbi var, lakin əsas səbəblərdən biri də insanların
hüquqlarını bilməməsidir. Bu işi bir vəkil olaraq aparıram, lakin
hesab edirəm ki, Milli Məclisdə təmsil olunsam, bu problemin
həllinə öz töhfəmi verə bilərəm.
Digər tərəfdən, mən 37 il ərzində insanlarla birbaşa təmasda
olduğum üçün problemləri yaxşı bilirəm və bu problemlərin aradan
qaldırılması üçün təkliflərim var.
- Namizədliyinizi 20 saylı Nərimanov ikinci seçki
dairəsindən irəli sürməyinizin səbəbi nədir?
- Mən 40 ildir Nərimanov rayonunda yaşamışam. Bu rayonun
sakinlərindən mənə hüquqi yardım üçün çoxsaylı müraciətlər olub.
Bacardığım qədər müraciət edənlərə kömək etmişəm. İnsanlar məni
yaxşı tanıyır və hesab edirəm ki, bu rayonda uğur əldə edə
bilərəm.
- Siz heç bir partiyanın üzvü deyilsiniz, lakin siyasi
baxışlarınız maraqlıdır.
- İnsanın siyasi baxışları vacibdir, çünki məhz buna görə onu
qiymətləndirirlər. Ölkə rəhbərliyinin yürütdüyü daxili və xarici
siyasəti dəstəkləyirəm, çünki həmin siyasət xalqın rifahının
yaxşılaşdırılmasına, ölkəmizdə sabitliyin qorunmasına, sülhə və
əmin-amanlığa xidmət edir və hesab edirəm ki, hər bir Azərbaycan
vətəndaşı cəmiyyətdə mövqeyindən asılı olmayaraq, dövlətimizin
qüdrətləndirilməsi naminə aparılan işlərə görə prezidentimiz cənab
İlham Əliyevə dəstək olmalıdır.
- 20 saylı Nərimanov ikinci seçki dairəsində rəqiblərinizlə
bağlı nə deyə bilərsiniz?
- Mən, ümumiyyətlə, insanlara hörmətlə yanaşıram. Mənim
rəqiblərimin də öz mövqeləri, öz proqramları var və onların hər
biri bu millətə xidmət etmək istəyir. Ona görə də onların hər
birinə hörmət edirəm. Namizədliyimi irəli sürdüyüm Nərimanov rayon
2 saylı Seçki Dairəsində və onun 33 məntəqəsində seçkinin yüksək
keçirilməsi üçün bütün şərait yaradılıb. Rəqiblər arasında
qarşılıqlı hörmətə əsaslanan dostluq münasibətləri var. Misal üçün,
bu dairədən iki dəfə deputat seçilmiş Adil Əliyev məni öz
seçiciləri ilə görüşə dəvət etdi. Tədbirə qatıldım və mənə çıxış
üçün söz verildi. Mən çıxışımda Adil Əliyevə təşəkkür etməklə
yanaşı, hətta onun seçiciləri qarşısında öz təbliğatımı da apardım.
Yəni rəqibim məni öz tədbirinə dəvət edir və mənə belə bir şərait
yaradırsa, bu ən gözəl seçki nümunəsidir. Mən digər rəqib
namizədliərə uğurlar arzulayıram. Öz seçicilərimə demək istəyirəm
ki, seçki günü məntəqələrə gəlib istədiyiniz şəxsə səs verin. Biz
də xalqın seçdiyi namizədə hörmətlə yanaşaq. Çünki seçim
xalqındır.
Asif Nərimanlı
-
İdman01:15
Arda tarixi matçında belə qol vurdu - VİDEO
-
Qoroskop00:45
Günün qoroskopu: hadisələrin axarına müdaxilə etməyin, çünki...
-
Magazin126 Aprel 23:26
Xumar Qədimova daha bir məşhur şeiri mahnıya çevirdi - VİDEO
-
İnanc26 Aprel 23:02
Həcc ziyarəti ilə bağlı zəvvarlara XƏBƏRDARLIQ
-
Region26 Aprel 22:37
Başqa çıxış yolumuz yoxdur - Paşinyan
-
Hadisə26 Aprel 21:47
Dörd aylıq körpə binadan necə düşüb? - Hadisə yerindən GÖRÜNTÜLƏR
-
Magazin126 Aprel 21:35
Günelə nə olub? - Xəstəxanadan görüntüsünü paylaşdı və... - FOTO
-
Hadisə26 Aprel 21:10
Qırmızı işıqda keçən nazirin maşını aşdı - FOTO