Nida.az

Ramiz Mehdiyev Rusiya Təhlükəsizlik Şurasının sədri ilə görüşüb

11 Noyabr 2015 22:16

Moskvada Azərbaycan Prezident Administrasiyasının rəhbəri Ramiz Mehdiyevlə Rusiya Təhlükəsizlik Şurasının sədri Nikolay Patruşev arasında görüş keçirilib.

Bu barədə APA-nın Moskva müxbirinə Rusiya Təhlükəsizlik Şurasının mətbuat xidmətindən məlumat verilib.

Bildirilib ki, görüşdə Xəzəryanı regionda beynəlxalq təhlükəsizliyə dair aktual məsələlər, eləcə də hər iki ölkənin hüquq-mühafizə strukturları və təhlükəsizlik orqanlarının qarşılıqlı fəaliyyətinin perspektivləri müzakirə olunub.

Görüşdə Ramiz Mehdiyev və Nikolay Patruşev Azərbaycan Respublikası və Rusiya Federasiyası təhlükəsizlik şuraları arasında 2016-2017-ci illər üçün əməkdaşlıq planını imzalayıblar.