"Dini siyasətə alət edənlərin qarşısı ən sərt formada alınmalıdır"

Son vaxtlar ölkənin gündəmini dəyişmiş "Nurçular" mövzusu ətrafında müzakirələr, ittihamlar getdikcə daha da gərginləşməkdədir.

Məsələ ilə bağlı Publika.az-a açıqlama verən "İslahatçı Gənclər" İctimai Birliyinin sədri Fərid Şahbazlı deyib ki, səslənən ittihamlar kifayət qədər ciddi araşdırma tələb edən məqamlardır:

"Azərbaycan dünyəvi və bütün dünyaya örnək olacaq dini tolerantlığın mövcud olduğu bir ölkədir. Lakin, dindən siyasi məqsədlər üçün istifadə edən, dövlətçiliyimizə təhlükə yarada biləcək bütün dini cərəyanların qarşısı ən sərt formada alınmalıdır. Azərbaycanda xalqı və gəncliyi öz ətrafında yalnız əsası Ulu Öndər Heydər Əliyev tərəfindən qoyulan Azərbaycançılıq ideologiyası birləşdirə bilər. Azərbaycan xalqının, dövlətinin ümummilli maraqlarının təmini və qorunması mənasında bu ideologiyaya alternativ yoxdur. Ulu Öndər Heydər Əliyev ideyalarına, Cənab Prezident İlham Əliyevin layiqli siyasi kursuna daima sadiq qalan Azərbaycan gəncliyi dövlətçiliyimizi təhdid edən bütün dini və siyasi cərəyanlara qarşı ən sərt mövqedə dayanacaq".